Жозеф Байден агар кейинги президентлик сайловида Трамп унга рақиблик қилса, буни омад деб ҳисоблашини айтиб ўтди. Бу ҳақда у Брюсселдаги матбуот анжуманида маълум қилган. Байденга 2024 йилда Трамп ёки унга ўхшаш сиёсатчи АҚШ президенти этиб сайланса, Вашингтон ташқи сиёсатидаги эҳтимолий ўзгаришлар тўғрисида савол берилган.
"АҚШ президенти сифатида илк марта "катта еттилик" саммитида иштирок этганимда: "Америка қайтди" деганман. Ўшанда ҳамкасбларимдан бири "Бу қанча давом этади?" деб сўраган. Шунинг учун мен ҳеч кимни айбламайман, бу масалада ҳеч кимни танқид қилмайман. Аммо агар ўша одам кейинги сайловларда рақиб бўлса, менинг омадим келади", — деган у.
Эслатиб ўтамиз, аввалроқ Трамп АҚШнинг Афғонистонни тарк этишини Қўшма Штатлар тарихидаги энг шармандали воқеа деб атаганди.