Париж Олимпиадасининг навбатдаги сузиш мусобақалари Леон Марчанднинг навбатдаги ғалабаси билан якунланди. 22 ёшли француз спортчиси ақл бовар қилмайдиган ишни амалга оширди: у ўзининг тўртинчи олтин медалини олди ва олти кун ичида тўрт бор Олимпия рекордини ўрнатди.
Олимпиада олдидан ҳам Марчандга катта умидлар боғланган эди, лекин ҳеч ким уни бу қадар юқори натижага эриша олади деб ўйламаган эди. 28 июль куни Леон ўзининг биринчи олтин медалини олди. 400 метрга эркин сузиш орқали Майкл Фелпснинг 2008 йилдан бери сақланиб қолган Олимпия рекордини бир сонияда янгилади.
31 июль куни Марчанд томошабинларни яна ҳайратда қолдирди. Кечқурун Леон иккита финалда ҳам олтин медални қўлга киритди ва бу жараёнда Олимпия рекордларини янгилади.
Француз спортчиси 200 метрга баттерфляй усулида сузишда энг яхши натижани қайд этди, сўнгги метрларда Кристоф Милакдан катта устунлиикка эришди. Икки соатдан сўнг Леон 200 метрга баттерфляй усулида сузишда муаммосиз зафар қучди. Айнан шу дақиқада 22 ёшли сузувчи тарихга кирди. Шу тариқа Марчанд Франция тарихидаги энг унвонли сузувчига айланди. Бундан ташқари, Леон Париж-2024нинг биринчи уч карра чемпионига айланди.
Бундай ютуқлардан сўнг, 2 август куни 200 метрга сузишда олтин медаль французга насиб этишига ҳеч ким шубҳа қилмасди. Ва шундай ҳам бўлди. Марчанд илк сонияларданоқ ҳисобда олдинга чиқиб олди. Аввалига Шун Ванг ва Дункан Скотт у билан рақобатлашишга ҳаракат қилишди, лекин улар ҳам спортчига етарлича қаршилик қила олишмади.
Марчанд тарихда битта Олимпиадада тўртта олтин медални қўлга киритган биринчи француз спортчиси бўлди. Ҳатто машҳур француз спортчилари ҳам бу натижага эриша олишмаган. Велосипедчи Пол Массон Афинада бўлиб ўтган Олимпиадада учта олтин медалга эга чиққан, шунингдек, 1968 йилги Олимпиада ўйинларидан тоғ чанғисичи Жан-Клод Килли ҳам айнан шундай натижани қайд этган. Биатлончи Мартин Фуркад ҳам 2018 йилги Олимпиада ҳам учта медални қўлга киритган.
Ўзининг ажойиб натижаси учун Леонга 320 минг евро пул мукофоти бериши айтилган, чунки ҳукумат спортчиларга ҳар бир олтин учун 80 минг евро тўлашга ваъда берган. Бироқ, Франция спортининг янги қаҳрамони Олимпиададан кейин яна кўплаб бонуслар ва имтиёзларга эга бўлади, деган фикрлар ҳам бор.