2024 йилда ўртача ҳароратнинг юқори даражага кўтарилиши бутун дунё учун хавотирли сигналга айланди. Бироқ, шунга қарамасдан мамлакатлар бунга қарши ҳеч қандай чора кўрмаяпти.
Эксетер университети олими Гейл Уайтманнинг сўзларига кўра, инсоният жуда ҳам хотиржамликка берилган.
"Одамлар кўряпсизми? Биз охирги нуқтага яқинлашмоқдамиз. Ҳаётимизда бўлаётган бу ўзгаришларга қарши жиддий чора кўришимиз лозим", - деган тадқиқотчи.
У Бразилияда бўлиб ўтадиган навбатдаги БМТнинг иқлим бўйича йирик саммитида кўплаб олимлар ва экологлар бу борада ўз фикрларини билдиришига ишонч билдирди.
Коперник иқлим ўзгаришини мониторинг қилиш бўйича Европа хизмати маълумотларига кўра, 2024 йил 1850 йилдан буён дунёдаги энг иссиқ йил бўлди, ўртача йиллик ҳарорат биринчи марта меёрдан ошиб кетди. БМТ Жаҳон метеорология ташкилоти маълумотларида айтилишича, келгуси беш йил ичида глобал ҳарорат рекорд даражага етиши мумкин. Бунга иссиқхона газлари ва океан оқимларининг ўзгариши сабаб қилиб келтирилган. Бу ҳодиса нафақат сайёрадаги ўртача ҳароратга, балки ёғингарчиликка ҳам таъсир қилади. Мазкур ўзгартириш жараёни 2023 йилнинг ёзида бошланган.