Италияда бокс бўйича “Париж-2024" Олимпия ўйинларига лицензия берувчи мусобақада ҳамюртларимиз Навбаҳор Ҳамидова нидерландиялик Луна Амаро Беелоогани, Азиза Зокирова украиналик Каролина Махони, Лазизбек Муллажонов тоголик Кевин Куаджовини, Руслан Абдуллаев косоволик Шпетим Бажокуни ўз вазн тоифаларида мағлуб этган эди. Эътиборлиси, Руслан сербиялик Алексей Шендрикни 3:1 ҳисобида таслим этди ва ушбу йўлланмага эга чиқди.
Лазизбек Мулложонов эса бу йўлланма учун жангда грузиялик Георги Кушиташвилини мағлубиятга учратди.
Бугунги жангларни -50 кг. вазнда Сабина Бобоқулова бошлаб беради. У соат 17:30 дан сўнг ирландиялик Даина Моореҳоусега қарши рингга кўтарилади. Шундан сўнг-80 кг. вазн тоифасида Тўрабек Ҳабибуллаев чорак финал йўлланмаси учун франциялик Ёжерлин Сесар билан баҳс олиб боради.
Шунингдек, вазни -57 кг. бўлган Ситора Турдибекова чорак финалда польшалик Жулиа Сзереметани синовдан ўтказади. Шуни таъкидлаб ўтиш лозимки, Ситора ушбу босқичдан ғалаба билан ўтадиган бўлса, навбатдаги жанги Олимпиада лицензияси учун бўлади. Шунингдек, -71 кг. вазнда Асадхўжа Мўйдинхўжаев колумбиялик Алехандер Рангел билан навбатдаги баҳсини ўтказади.