Истанбулда коронавирус билан боғлиқ ноодатий воқеа содир бўлди. Бу ҳақда “Лента” хабар берди.
Гап шундаки, шаҳарда истиқомат қилувчи эркак 14 ойдан буён карантинда. Шу вақт мобайнида у 78 марта COVID-19 га тест топширган ва уларнинг барчаси ижобий бўлган. Шу сабабли, ҳозир ҳам ўзини изоляция қилишга мажбур.
Врачлар буни иммунитет пастлиги билан изоҳлаган. Эркак организмида лейкемия аниқланган. Шунинг учун иммун система кучсизланиб кетган.
Эслатиб ўтамиз, аввалроқ COVID-19 чекиниши мумкинлиги ҳақида хабар берилганди.
Жаҳонгир Қўзиев