Бразилия шимоли-шарқида ёмғирлар сув тошқинларини келтириб чиқарди. Натижада камида етти киши ҳалок бўлди, 175 киши жабрланган. Бу ҳақда Синхуа агентлиги хабар берди.
Минглаб одамлар ўз уйларини тарк этиб вақтинчалик бошпана излашга мажбур бўлмоқда. Кучли тошқин бир қанча шаҳар ва қишлоқ ҳудудларини ташқи дунёдан бутунлай узиб қўйди, бу эса қутқарувчиларнинг ишини анча қийинлаштирмоқда.
Ҳарбийлар 200 дан ортиқ одамларни иккита вертолёт ёрдамида қутқаришди. Бразилия президенти ва Бахия штати губернатори жабрланган ҳудудларга ташриф буюриб, уларга тикланиш учун молиявий ёрдам кўрсатишга ваъда беришди.
Аввалроқ, Канадада кучли шамол 200 мингдан ортиқ одам электр энергиясисиз қолгани хабар қилинган эди.