Kanadaning Ontariya provinsiyasida 200 mingdan ortiq aholi kuchli shamol tufayli elektr ta'minotisiz qoldi, deb yozadi “TASS”.
"Davom etayotgan bo'ron tufayli 200 mingdan ortiq iste'molchi elektr ta'minotisiz qolmoqda. Viloyatning janubiy, markaziy va sharqiy qismi ham elektr tokisiz qolishi kutilmoqda", - deyiladi xabarda.
Ta'kidlanishicha, soatiga 100 km tezlikda esayotgan shamol yana ko'plab infratuzilmalarga zarar yetkazgan.
Eslatib o'tamiz, avvalroq AQShning bir nechta shtatida kuchli tornado yuz bergan edi. Hozirga qadar 80 dan ortiq odam qurbon bo'lgan.