Бугун соат 11:45 да Бухоро шаҳар «Фитрат» МФЙ Миракон кўчасида жойлашган автотураргоҳда ёнғин бўлаётганлиги тўғрисида вилоят ФВБга хабар келиб тушган.
Воқеа жойида 3 та ёнғин-қутқарув автоэкипажлари жалб қилинган. Ёнғин оқибатида Ласетти, Саптива ва Нехиа-2 русумли автомобиллари қисман ёнган.
Ёнғин соат 12:02 да батамом ўчирилган. Ҳозирда ёнғиннинг келиб чиқиш сабаби ва моддий зарари аниқланмоқда.
Ёнғин оқибатида фуқароларнинг куйиш тан жароҳати олиш ҳолатлари қайд этилмади.