Жорий йилнинг 16-, 17-, 18 июнь кунлари Бухоро шаҳрида ХХ анъанавий “Ипак ва зираворлар” фестивали ўтказилади. Бу ҳақда маданият вазирлиги хабар бермоқда.
Фестиваль дастуридан тадбирнинг тантанали очилиш ва ёпилиш маросимлари, шаҳарнинг эски шаҳар қисми бўйлаб маданий тадбирлар, “Афанди шай” театри чиқишлари, Арк қўрғони майдонида миллий ўйинлар, карнай-сурнай ва масхарабозлик томошалари, фольклор жамоалари чиқишлари, доирачилар ансамбли, квартет ва театр жамоалари чиқишлари ўрин олган.