Joriy yilning 16-, 17-, 18 iyun kunlari Buxoro shahrida XX anʼanaviy “Ipak va ziravorlar” festivali o‘tkaziladi. Bu haqda madaniyat vazirligi xabar bermoqda.
Festival dasturidan tadbirning tantanali ochilish va yopilish marosimlari, shaharning eski shahar qismi bo‘ylab madaniy tadbirlar, “Afandi shay” teatri chiqishlari, Ark qo‘rg‘oni maydonida milliy o‘yinlar, karnay-surnay va masxarabozlik tomoshalari, folklor jamoalari chiqishlari, doirachilar ansambli, kvartet va teatr jamoalari chiqishlari o‘rin olgan.