Ижтимоий тармоқда Бухорода тартибга солинган пиёдалар ўтиш жойидан ўтаётган 2 нафар пиёдани Lacetti автомашинаси ҳайдовчиси катта тезликда келиб уриб юборгани акс этган видео тарқалди.
Расмий хабарга кўра, 2 октябрь куни соат 05:54 атрофида Бухоро вилояти Қоракўл туманида О.М. Lacetti автомашинасини Қоракўл тумани марказидан автобошбекат томон ҳаракатланиб бораётган вақтида 15-сонли ИДУМ тўғрисида жойлашган тартибга солинган пиёдалар ўтиш жойидан ўзига нисбатан ўнгдан чапга ўтаётган икки нафар пиёдаларни уриб юбориб йўл-транспорт ҳодисаси содир қилган.
Ушбу ЙТҲ натижасида бир нафар пиёда олган тан жароҳатлари оқибатида Қоракўл туман касалхонасида вафот этган. Иккинчи пиёда ҳозирги кунда касалхонада даволанмоқда.
Ҳайдовчи О.М.га нисбатан ЖКнинг 266-моддаси 2-қисми билан жиноят иши қўзғатилган ҳамда у ЖПКнинг 221-моддаси тартибида ушланган.