Ijtimoiy tarmoqda Buxoroda tartibga solingan piyodalar o‘tish joyidan o‘tayotgan 2 nafar piyodani Lacetti avtomashinasi haydovchisi katta tezlikda kelib urib yuborgani aks etgan video tarqaldi.
Rasmiy xabarga ko‘ra, 2 oktyabr kuni soat 05:54 atrofida Buxoro viloyati Qorako‘l tumanida O.M. Lacetti avtomashinasini Qorako‘l tumani markazidan avtoboshbekat tomon harakatlanib borayotgan vaqtida 15-sonli IDUM to‘g‘risida joylashgan tartibga solingan piyodalar o‘tish joyidan o‘ziga nisbatan o‘ngdan chapga o‘tayotgan ikki nafar piyodalarni urib yuborib yo‘l-transport hodisasi sodir qilgan.
Ushbu YTH natijasida bir nafar piyoda olgan tan jarohatlari oqibatida Qorako‘l tuman kasalxonasida vafot etgan. Ikkinchi piyoda hozirgi kunda kasalxonada davolanmoqda.
Haydovchi O.M.ga nisbatan JKning 266-moddasi 2-qismi bilan jinoyat ishi qo‘zg‘atilgan hamda u JPKning 221-moddasi tartibida ushlangan.