“UzAutoMotors” 2022 йил охирида ушбу русумдаги машиналар ишлаб чиқаришни тўхтатишга қарор қилган.
“UzAutoMotors” АЖ жорий йилнинг биринчи 6 ойлигида 160 минг дона автомобиль ишлаб чиқарди. Шунингдек истеъмолчиларнинг талабларини инобатга олиб, янги автомобиль моделларини ишлаб чиқаришни йўлга қўйди. Истеъмолчиларнинг замонавий автомобилга бўлган талабининг ортиб бораётганлиги сабабли, “UzAutoMotors”ишлаб чиқариш линияларини босқичма-босқич янги автомобиль моделларига ўтказмоқда.
Конвейерларнинг янги автомобиль моделларини ишлаб чиқаришга ўтказилиши муносабати билан, 2022 йил якунида Чевролет Спарк ва Нехиа автомобилларини ишлаб чиқариш тўхтатилади. Қолган бутловчи қисмлар йил давомида ушбу автомобиль моделларининг турли конфигурациялардаги сўнгги партияларини чекланган миқдорда ишлаб чиқаришни давом эттириш имконини беради. Бугундан бошлаб, ушбу Чевролет Спарк ва Нехиа автомобиллари сотувга чиқарилади.
Шунингдек, Ўзбекистонда УзАуто Моторс автомобилларига бўлган талабнинг юқори эканлигини инобатга олиб, компания Чевролет Спарк ва Нехиа автомобиллари экспорт ҳажмининг бир қисмини ички бозорга йўналтиришга қарор қилди.
Бугундан бошлаб дилерлик марказларида ушбу автомобиллар учун шартнома бериш яна қайта тикланади.