Қашқадарёда қарама-қарши йўналишда ҳаракатланиб келган Cobalt йўловчиси бошқа бир машина ҳайдовчисини урмоқчи бўлди. Вилоят ИИБ ҳолат юзасидан расмий маълумот берди.
Маълум қилинишича, 15 декабрь куни соат 16:50 ларда Қарши шаҳар Алишер Навоий кўчасида светофорнинг қизил чироғида ўз йўлида тўхтаб турган Lada-Largus ҳайдовчисини Собалт русумли автомобилда қарама-қарши томондан ҳаракатланиб келган салондаги йўловчи урмоқчи бўлган. Ҳайдовчига ета олмагач, у автомашинанинг ойналарини темир жисм билан уриб, синдирган.
Ҳолатга гувоҳ бўлган Қашқадарё вилояти ИИБ ходимининг қонуний талабига бўйсунмаган. Ҳозирги кунда мазкур ҳолатда фуқароларнинг шахсига аниқлик киритилиб, Қарши шаҳар ИИО ФМБ ҳузуридаги Тергов бўлими томонидан терговга қадар суриштирув ишлари олиб борилмоқда, зарар миқдорини аниқлаш учун экспертиза тайинланган.