Ижтимоий тармоқларда "Тошкент шаҳри Чилонзор тумани Кичик ҳалқа йўли кўчасида дарахтлар кесилганлиги" ҳақида хабар тарқалди.
Табиат ресурслари вазирлиги Тошкент шаҳар бошқармаси томонидан ҳолат ўрганилди. Натижада Академик В. Воҳидов номидаги республика ихтисослаштирилган хирургия илмий-амалий тиббиёт марказидаги дарахтларни санитар буталашга рухсат берилгани, аммо буталаш қоидаларига амал қилинмай, дарахтларга зарар етказилгани маълум бўлди.
Ўрганиш натижасида дарахтларни нотўғри буталаш орқали 31 680 000 сўм миқдорида зарар етказилгани аниқланди. Ҳолат юзасидан МЖтКнинг 79-моддасига кўра илмий-амалий марказнинг хўжалик ишларига масъул бўлган X.V. 3 300 000 сўм миқдорида жаримага тортилди. Ҳуқуқбузардан жами 34 980 000 сўм ундириладиган бўлди.