«Форбес» ҳисоб-китобларига кўра, Илон Маск, Жефф Безос, Марк Цукерберг, Ларри Пейж ва Сергей Брин 2022 йилда энг кўп пул йўқотган миллиардерлар бешлигига киради.
Умуман олганда, уларнинг бойлиги 378 миллиард долларга камайди.
Журнал маълумотларига кўра, 2022 йилнинг “5 ютқазган” рўйхатида биринчи ўринни «Twitter» эгаси ва Tesla ҳамда «SpaceX» асосчиси Илон Маск эгаллаб турибди, у бир йилда 100 миллиард доллардан кўпроқ маблағ йўқотган биринчи одам бўлди. Бойликнинг камайиши 2021 йилда бошланган. Миллиардер «Twitter» ижтимоий тармоғини 2022 йил октябрь ойи охирида 44 миллиард долларга сотиб олгани ҳақидаги хабарлар фонида Тесла акцияларининг тушиши тезлашган.
Йўқотишлар бўйича иккинчи ўринда «Amazon» эгаси Жефф Безос турибди, у ўз компанияси акцияларининг 50 фоизга тушиши оқибатида 85 миллиард доллар йўқотган. Кучли бешликка «Google» (ҳозирда Alphabet деб аталади) асосчилари Ларри Пейж ва Сергей Брин ҳам кирди, улар 2022 йилда Алпҳабет акциялари 39 фоизга арзонлашгани сабабли ҳар бири қарийб 45 миллиард доллар йўқотган.
31 декабрь куни «Bloomberg» ҳисоб-китобига кўра, Илон Маск 200 миллиард доллар йўқотган дунёдаги биринчи одам бўлди. Швейцариянинг УБС банки маълумотларига кўра, 2022 йилда бутун дунё бўйлаб миллиардерларнинг бойлиги 400 миллиард долларга камайган. 2022 йил мартига келиб миллиардерлар сони ўтган йилнинг мартига нисбатан 87 кишига камайган.