Эфиопия жанубида содир бўлган икки кўчки қурбонлари сони 257 кишига етди ва бу яна икки баравар кўпайиши мумкин. Бу ҳақда БМТнинг гуманитар масалаларни мувофиқлаштириш бошқармаси ҳисоботида маълум қилинди.
“24 июль ҳолатига кўра ҳалок бўлганлар сони 257 нафарга етди. Рақамлар янада ошиши ва қурбонлар 500 нафарга етиши мумкин”, — дейилади ҳисоботда.
Бундан ташқари, кўчкилар туфайли камида 15 минг киши эвакуация қилиниши айтилмоқда.