Россия армияси Эрон дронларидан фойдаланаётгани тўғрисидаги ахборотдан сўнг Украина уни Россия билан шерикликда айблади.
Киев Теҳронга қатъий жавобгарликка тортиш билан таҳдид қилиб, қурол етказиб беришни тўхтатишни талаб қилди.
Бундан ташқари, Украина ТИВ Дмитрий Кулеба Европа иттифоқи ТИВларига мурожаат қилди ва Эронга санкция киритишни сўради.
Шунингдек, Эрон яқин кунларда Россияга баллистик ракета юбориши тўғрисида хабар тарқалган.
ЕИ ва АҚШ расмийлари Эронга қарши санкция эълон қилиш имкониятини кўриб чиқмоқда.
Аввалроқ ЕИ Махса Амина ўлимига алоқадор 11 амалдор ва 4 та ташкилотга қарши санкция эълон қилган.