Эронда аёлларнинг ҳижобни тўғри кийишини таъминлаш учун кўчаларда полиция ходимлари томонидан пиёда ва автомобиль патруллари ўтказиш йўлга қўйилади. Бу ҳақда Tasnim агентлиги ҳуқуқ-тартибот идораси вакилига таяниб хабар берди.
Қайд этилишича, полиция кўчаларни патруль қилади ва қоида бузганларга огоҳлантириш беради, деб ёзади агентлик. Полиция буйруғига бўйсунмаган фуқаролар судга тортилади.
Бундай чора-тадбирлар «ижтимоий ҳамжиҳатликка ёрдам бериши» ва жамият хавфсизлигини таъминлаши керак, дейди манба.