"Ўзгидромет" хабарига кўра, бугун кечга томон Хоразм вилоятида баъзи жойларда бироз ёмғир ёғади. Кундузи ҳаво ҳарорати +24...+27 даражани, шимолда +12...+17 даражани ташкил этади.
Эртага республика ҳудудининг катта қисмида ёмғир ёғади, шамол баъзи жойларда 15-18 м/с гача кучайиши кутилмоқда. Кундузги ҳарорат +15...+20 даражагача пасаяди.
Чоршанба ва пайшанба кунлари фақат республиканинг жанубий ва шарқий ҳудудларида ёмғир ёғиши эҳтимоли бор. Ўзбекистон бўйича энг жадал ёмғирлар 25 октябрь куни прогноз қилинмоқда.
Ҳаво ҳарорати 23 октябрда кечаси +8...+13 даражагача, кундузи +10...+15 даражагача, 24 октябрда кечаси +5...+10 даражагача, кундузи +12...+17 даражагача, 25 октябрда кечаси +5...+10 даражагача, кундузи +14...+19 даражагача бўлади.
22 октябрдан 25 октябргача республиканинг тоғ олди ва тоғли ҳудудларида баъзи жойларда ёмғир ёғиши кутилмоқда, 23-25 октябрда айрим ҳудудларда баъзи жойларда кучли ёмғир ёғиши мумкин, баланд тоғли ҳудудларда қорга айланади.
Пойтахтда бугун қуёшли ва қуруқ об-ҳаво кузатилади, ҳарорат кундузи +25...+27 даражагача бўлади. Эртага кечга томон вақти-вақти билан ёмғир ёғади. Шамол 5-10 м/с тезликда эсади. Ҳарорат кечаси +11...+13 даражагача, кундузи +17...+19 даражагача бўлади.
23-24 октябрда ёмғир ёғиши мумкин. Шамол 5-10 м/с тезликда эсади. Ҳарорат 23 октябрда кечаси +11...+13 даражагача, кундузи +13...+15 даражагача, 24 октябрда кечаси +8...+10 даражагача, кундузи +15...+17 даражагача бўлади.