Бош прокуратура маълум қилишича, туман тиббиёт бирлашмаси туғуруқхонасида 5 август куни туғилган ўғил жинсли чақалоқ «икки томонлама зотилжам, ҳомила инфекцияси, туғма юрак нуқсони, нафас етишмовчилиги 2-3 даражаси» ташхиси билан 7 август куни вафот этган.
Ҳозирда Бешариқ тумани прокуратураси томонидан терговга қадар текширув ҳаракатлари ўтказилмоқда.
«Республикамизда содир бўлган ҳар бир чақалоқлар ўлими прокуратура органларида рўйхатга олиниб, ҳолат бўйича терговга қадар текширув ҳаракатлари ўтказилиб, қонуний қарорлар қабул қилиниб келинмоқда», — дейилади муносабатда.