Кеча, 24 июнь куни тунда Фарғона вилоятининг айрим ҳудудларида кучли сел оқими кузатилди.
Маълум бўлишича, Фарғона вилоятининг бир нечта ҳудудига Қирғизистондан кучли сел оқими кириб келган.
Расмий хабарга кўра, ҳодисада ҳалок бўлган ва жабрланганлар йўқ. Олтиариқ туманининг Қапчиғай қишлоғи сел йўлига яқин ҳудудда жойлашгани учун аҳолининг уйлари ва йўлларга зарар етган.
Ҳозирда ФВБ ва бошқа тегишли идоралар ходимлари томонидан аҳоли хонадонлари сувдан тозаланяпти.