Kecha, 24 iyun kuni tunda Farg‘ona viloyatining ayrim hududlarida kuchli sel oqimi kuzatildi.
Maʼlum bo‘lishicha, Farg‘ona viloyatining bir nechta hududiga Qirg‘izistondan kuchli sel oqimi kirib kelgan.
Rasmiy xabarga ko‘ra, hodisada halok bo‘lgan va jabrlanganlar yo‘q. Oltiariq tumanining Qapchig‘ay qishlog‘i sel yo‘liga yaqin hududda joylashgani uchun aholining uylari va yo‘llarga zarar yetgan.
Hozirda FVB va boshqa tegishli idoralar xodimlari tomonidan aholi xonadonlari suvdan tozalanyapti.