Жаҳон шахмат федерацияси май ойи якунлангач, ўз рейтингини янгилади. Ушбу янгиланган жаҳон рейтингида кучли 100 ликдан 3 нафар ўзбекистонлик гроссмейстер ўрин олди.
Рейтингда Нодирбек Абдусатторов 5-ўринда қайд этилди. У аввалги ойдаги ўрнини сақлаб қолди. Жавоҳир Синдоров 60-ўринга тушиб кетди. У май ойи учун қайд этилган рейтингда 50-ўринда эди. Бундан ташқари, энг кучли шахматчилар рейтингида Рустам Қосимжонов (43-ўрин) ҳам ўрин олган. Аввалги ойда 72-ўринда қайд этилган Нодирбек Якуббоев кучли 100 ликни тарк этган.
Нодирбек ёшлар ўртасидаги расмий рейтингда 1-ўринда қайд этилган. Яна бир ҳамюртимиз Жавоҳир Синдоров 6-ўринни эгаллаб турибди. У май ойида 8-ўринда қайд этилган эди.