Финляндия ҳукумати Украинага 70 миллион евро миқдорида молиявий ёрдам ажратиш ва қўшимча ҳарбий техника билан таъминлашга қарор қилди. Бу ҳақда Финляндия бош вазири маълум қилди.
Унинг қайд этишича, мамлакат Финляндияда украиналик қочқинларга ёрдам бериш учун 700 миллион евро сарфлайди.
“Бундан ташқари, биз ҳозирги эҳтиёжларни қоплаш ва реконструкцияга ёрдам бериш учун қўшимча ҳисса тайёрлаяпмиз. Парламент маъқуллаши керак бўлган ҳисса тахминан 70 миллион еврони ташкил қилади”, — дейди Санна Марин.
Эслатиб ўтамиз, апрель ойида Финляндия президенти Саули Ниинисте Украинага қўшимча ҳарбий ёрдам юборишга қарор қилган эди. Кейин мамлакат ҳарбий департаменти ёрдам мазмуни, етказиб бериш усуллари ва вақти ҳақида тафсилотларни ошкор қилмаган.