Финляндия Президенти Саули Ниинисте мамлакатнинг НАТОга кириши ҳақидаги қонунларни имзолади.
Таъкидланишича, президент саройида бўлиб ўтган маросим Финляндиянинг Шимолий Атлантика альянсига қўшилиши учун зарур бўлган барча ички тадбирларнинг якунланиши эди.
Финляндия НАТОнинг барча амалдаги аъзолари уни маъқулламагунча альянснинг тўлиқ аъзоси бўла олмайди. Туркия парламенти ушбу шартномани шу ҳафта ратификация қилиши мумкин. Ва Венгрия парламенти келаси душанба куни Финляндиянинг НАТОга аъзолигини тасдиқлаши мумкин.
Ўтган ҳафта Туркия Финляндия ва Швеция билан НАТО музокараларини қайта бошлагани хабар қилинганди.