Францияда Янги йил арафасида ёқиб юборилган автомобиллар сони кескин ошди. Мамлакат Ички ишлар вазирлиги расмий маълумотларига кўра, байрам кунлари давомида жами 1173 та автомобиль бутунлай йўқ қилинган.
Қайд этилишича, бу кўрсаткич ўтган йилга нисбатан қарийб 200 тага кўп. Автомобилларни атайлаб ёқиб юбориш ҳолатлари, асосан, Янги йил кечасида ва байрамнинг илк кунларида қайд этилган.
Шунингдек, Ички ишлар вазирлиги мамлакат бўйлаб зўравонлик ва мулкка зарар етказиш билан боғлиқ ҳодисалар сабаб 505 нафар шахс қўлга олинганини билдирди. Уларнинг 403 нафари бевосита полиция томонидан ҳибсга олинган. Расмийлар жамоат тартибини сақлаш бўйича чоралар кучайтирилганини маълум қилди.