Хитой ва америкалик олимлар ҳаво ифлосланиши туфайли йилига 1 миллион бола ўлик туғилишини аниқлади.
Уларнинг тадқиқотлари натижаси Nature журналида чоп этилди. Улар биринчи марта ҳаводаги микрозарраларнинг юқори концентрацияси ҳомилага қандай таъсир қилишини ўрганди.
Олимлар гуруҳи 1998-2016 йилларда 54 та паст ва ўрта даромадли давлатда қайд этилган 45 мингта туғруқ ҳолатини ўрганиб чиқди.
Олинган маълумотлар Осиё, Африка ва Лотин Америкаси давлатларига татбиқ қилинди.
Маълумот учун, айнан шу давлатлар ҳиссасига чақалоқнинг ўлик туғилиш ҳолатларининг 98 фоизи тўғри келади.