“Манчестер Сити” тўпурари Эрлинг Ҳоланд клубдан кетиши мумкин. Норвегиялик ҳужумчи Испания чемпионатида тўп тепиш фикридан қайтгани йўқ. 24 ёшли футболчига "Реал" ва "Барселона" қизиқиш билдирмоқда.
"Шаҳарликлар" бош мураббийи Хосеп Гвардиола ва жамоа етакчиси Илкай Гюндоған Ҳоландга агар Ла Лигага бормоқчи бўлса, қайси жамоани танлаш бўйича тавсия берди.
"Эл Чирингуито" нашри журналисти Жота Жордининг ёзишича, улар Ҳоланддан "Барселона"ни танлашни сўрамоқда. Улар буни Эрлинг Ҳоланд Каталония клубида асосий юлдуз бўлиши билан изоҳлади. "Реал"га ўтадиган бўлса, Эрлингга асосий юлдуз мақоми берилмайди, сабаби Мадрид клуби юлдузлар билан тўлиб тошган.
Ҳоланднинг АПЛ клуби билан амалдаги шартномаси 2027 йилгача амал қилади.
