@LeaksApplePro ники остидаги таниқли инсайдер iPhone 13 смартфонлар сериясига олдиндан буюртмалар қачондан қабул қилиниши ва савдолар қайси санадан бошланишини эълон қилди, деб хабар беради IXBT.
Манбанинг сўзларига кўра, Apple’нинг сентябрь ойидаги тадбири ҳозирда 37-ҳафтага режалаштирилган. Одатда Apple тақдимотларини сешанба кунлари ўтказади ва бу сафар ушбу кун 14 сентябрга тўғри келади. Олдиндан буюртмалар 17 сентябрдан, савдолар эса 24 сентябрдан бошланиши керак.
iPhone 13 линейкасидаги энг кўзга кўринарли ўзгариш — қош қисмининг кичрайгани бўлади. iPhone Х тақдим этилганидан тўрт йил ўтиб, Apple компанияси фронтал камера компонентларини кичрайтиришга муваффақ бўлди. Асосий камерада учта датчик жойлашади, аммо модулнинг ўзи каттариши мумкин. Асосий камера учта 12 мегапикселли тасвир датчиги ва лазерли далномерни ўз ичига олади. Бундан ташқари, iPhone 13 Pro F/1,5 диафрагмали объектив ва еттита пластик линза билан жиҳозланади.