Шартномани имзолаган давлатлар қаторида Полша, Ветнам, Индонезия, Чили каби йирик кўмир истеъмолчилари ҳам бор. Шу билан бирга, конференция веб-сайтидаги маълумотларга кўра, энг йирик кўмир истеъмолчилари - Хитой, АҚШ, Ҳиндистон ва Австралия - бу пактда ҳали иштирок этмаяпти.
Битим карбонат ангидридни ушлаш технологияларидан фойдаланмайдиган кўмирда ишлайдиган электр станцияларига тааллуқи. Саммит мезбони бўлган Буюк Британия тадбирга тайёргарлик жараёнида кўмирдан фойдаланишни қисқартириш масаласини асосий масала этиб белгилаган. Кўмирни ёқиш дунёдаги иссиқхона газларининг энг муҳим манбаи ҳисобланади.