Америкалик актёр Жонни Депп капитан Жек-читтакнинг саргузаштлари ҳақидаги сўнгги фильм чиққанидан беш йил ўтиб, кинокартинанинг олтинчи сонида суратга тушади.
Хабар қилинишича, “Денгиздаги кун” деб номланган фильмнинг суратга олиш ишлари февраль ойида Буюк Британияда бошланади. Таъкидланишича, лойиҳа ҳозирда дастлабки босқичда, янги фильмга ким режиссёрлик қилиши эса ҳозирча номаълум. Шу билан бирга, лойиҳа ижрочи продюсери Брюс Хендрикс бўлиб, у франшизанинг дастлабки учта фильмини яратишда иштирок этган.
2003 йилда тақдим этилган “Кариб денгизи қароқчилари”нинг бешта фильми бутун дунё бўйлаб 4,1 миллиард доллардан кўпроқ даромад келтирган, Деппнинг ўзи эса улардан 240 миллион доллар ишлаб олган.