Марказий банк маълумотига кўра, жорий йилнинг март ойида тижорат банклари муаммоли кредитлари қолдиғини 710 миллиард сўмга камайтиришга эришган. 1 апрель ҳолатида NPL қолдиғи 14 триллион 342 миллиард сўмни ташкил этган. Жами кредит портфелидаги улуши эса 3,5 фоизга тушган (ўтган ойда 3,8 фоиз).
Муаммоли кредитларнинг камайиши асосан Халқ банки, "Ўзмиллийбанк", "Ўзcаноатқурилишбанк", Асакабанк ва Алоқабанк ҳиссасига тўғри келган.
Шунингдек, жами кредит портфели март ойида 10,5 триллион сўмга ошиб (ойлик ўсиш 2,6 фоиз), 408,2 триллион сўмни ташкил этган.
Март ойида Агробанк, "Ўзмиллийбанк", Капиталбанк, "Ўзсаноатқурилишбанк", "Ҳамкорбанк", Асакабанк ва Инфинбанк томонидан фаол кредитлаш кузатилган.