Иқтидорли журналист, Бюджетдан ташқари пенсия жамғармаси матбуот котиби сифатида ишлаган Айжамал Жолдасбаеванинг бевақт вафоти муносабати билан ҳамдардлик билдирилмоқда. У 27 ёшида вафот этди, яқинларининг фейсбукда ёзишича унда ҳомиладорлик даври оғир кечган.
У маълум муддат ўлик ҳомила билан юрган ва бола олинганидан кейин унинг аҳволи оғирлашиб, дастлаб Тахтакўпир туманидаги касалхонага етказилган. 3 кун аввал Нукус шаҳридаги тез ёрдам шифохоналаридан бирига олиб борилган ва ўша ерда вафот этган. Унинг 2 ёшга тўлмаган ўғил фарзанди бор.
Эслатиб ўтамиз, Айжамал Жолдасбаева 1997 йил 23 январда Қорақалпоғистоннинг Тахтакўпир туманида туғилган. 2014 йилда Зулфия мукофоти билан тақдирланган.