Бугун, 27 июнь &mdash; Журналистлар ва оммавий ахборот воситалари ходимлари куни муносабати билан Zamon.uz шу соҳада узоқ йиллар самарали фаолият юритиб, халқ назарига тушган, ва афсуски, эрта ўлим топган қаламкашларни хотирлайди.
&nbsp;
Эрта сўнган шоу-бизнес &ldquo;юлдузи&rdquo;
&nbsp;
Шоу-бизнес йўналишидаги журналист Жасур&nbsp;Ҳамроев&nbsp;42 ёшида оламдан ўтди. Унинг ўлимига буйрак етишмовчилиги сабаб бўлгани айтилади.
&nbsp;
<img src="/media/uploads/2025/06/25/PIzrgsEL7BzQ6GXOYa90QXJmaIFCemq9_1.webp" />
&nbsp;
Ҳамроев дастлабки журналистик фаолиятини &ldquo;Даракчи&rdquo; газетасидан бошлаган, кейинчалик Ўзбекистонда биринчилардан бўлиб шоу-бизнес соҳасини ёритувчи shov-shuv.uz интернет сайтига асос солган ва бош муҳаррири бўлган. Журналист 2024 йилда The Addresses&nbsp;журналини ҳам очган.
&nbsp;
&ldquo;Бу инсон менинг&nbsp;блогерлик&nbsp;фаолиятимда ўчмас из қолдирган, катта ҳисса қўшган эди.
&nbsp;
Бугун Ўзбекистон спортида таниқли бўлган кўплаб йигитлар бир пайтлар Жасур ака орқали илк бор оммага&nbsp;танитилган. Бугун спортчилар билан интервью оладиган журналистлар кўп, лекин биринчи тошни қўйган &mdash; айнан Жасур&nbsp;Ҳамроев&nbsp;эди&rdquo;, деб ёзади &ldquo;Бугун спорт&rdquo; лойиҳаси муаллифи.
&nbsp;
&ldquo;Кучли одам эди. Ҳар доим ҳаммага яхши муомала қиларди. Охирги йилларда касаллик билан курашаётган эдилар. Бир ҳафта давомида ижтимоий тармоқда уларга керакли қон гуруҳини сўраб, эълон бердик. Лекин, афсуски, ҳеч ким ёрдам бермади&rdquo;, дея журналистнинг сўнгги кунларини эслайди ҳамкасби&nbsp;Замира&nbsp;Бешимова.
&nbsp;
&ldquo;Журналистикадан воз кечиб, таълимни танлаган&rdquo;
&nbsp;
Эрта вафот этган журналистлар орасида Алишер&nbsp;Рўзиохунов&nbsp;ҳам бор. У 2025 йилнинг 26 февраль куни 32 ёшида бу дунёни тарк этди.
&nbsp;
<img src="/media/uploads/2025/06/25/photo_2025-06-27_18-04-58_1.webp" />
&nbsp;
Рўзиохунов &ldquo;Кун.уз&rdquo;, &ldquo;Газета.уз&rdquo;, &ldquo;Бугун.уз&rdquo; каби интернет нашрларида ишлаган. Шунингдек, Акцент лойиҳасида ҳам фаолият юритганди. Муҳаррир сифатида &ldquo;Келажак бунёдкори&rdquo; медали билан тақдирланган.
&nbsp;
&ldquo;У менинг Тошкентга келиб топган энг яқин инсонларимдан бири, кўпчилик фаолиятига, билимига ҳавас қиладиган салоҳиятли журналист эди.
&nbsp;
Алишернинг соҳадан кетиши ва яна журналистикага қайтиши кераклиги ҳақида унинг ўзи билан кўп гаплашганмиз. Бу ҳақдаги баҳсларимиз баъзан&nbsp;соатлаб&nbsp;давом этган. Очиғини айтаман, Алишер соҳадан&nbsp;совуган&nbsp;эди.&nbsp;аниқроғи, Ўзбекистонда журналистика тушиб қолган вазият унинг ҳафсаласини пир қилиб бўлганди.
&nbsp;
Алишер&nbsp;Рўзиохунов&nbsp;қўрқоқ&nbsp;эмасди. У доим жамият, одамлар учун&nbsp;куюниб&nbsp;яшади. Ва шу&nbsp;куюнчаклиги&nbsp;сабаб ҳам журналистика эмас, таълимни танлаганди&rdquo;, &mdash; дея эслайди унинг ҳамкасбларидан бири, дўсти&nbsp;Илёс&nbsp;Сафаров.
&nbsp;
Дори ичиб, дунёдан ўтган тележурналист&hellip;
&nbsp;
2023 йилнинг 13 сентябрь куни &ldquo;Дунё бўйлаб&rdquo; телеканалининг &ldquo;Своими&nbsp;глазами&rdquo; дастури мухбири&nbsp;Рамина&nbsp;Ягафарова&nbsp;31 ёшида вафот этди. Унда антибиотик дори қабул қилинганидан кейин аллергик реакция кузатилган ва журналист&nbsp;анафилактик&nbsp;шокни бошдан кечирган.
&nbsp;
<img src="/media/uploads/2025/06/25/photo_2023-09-14_19-30-49sdfs_1.webp" />
&nbsp;
Томоқ оғриғи туфайли журналист&nbsp;левофлоксатсин&nbsp;(антибиотик) таблеткасини олган. Тахминан 10&minus;15 дақиқадан сўнг уни тутқаноқ тутиб, ҳушидан кетган.
&nbsp;
Клиника шифокори унга биринчи ёрдам кўрсатган, шундан сўнг&nbsp;Ягафарова&nbsp;реанимация бўлимига жойлаштирилган. Тиббий муолажалардан сўнг у ҳушига келган, аҳволи яхшиланган.
&nbsp;
Бироқ 13 сентябрь куни тушдан кейин уни яна тутқаноқ тутган. Тиббий муолажаларга қарамай, у вафот этган.
&nbsp;
&ldquo;У каналимизга яқинда келганди, жамоага жуда тезда қўшилиб кетди ва унинг ажралмас қисмига айланди. Бу вақт давомида мен у тайёрлайдиган дастурлар муҳаррири эдим. Журналист эмас, балки касби бўйича филолог бўлган&nbsp;Рамина&nbsp;тележурналистика&nbsp;асосларини ўзлаштириб, кўз ўнгимизда ўсди.
&nbsp;
У эфирни жуда яхши кўрарди. Самимий, қувноқ, мафтункор ва янги ғояларга тўла ходим эди&rdquo;, &mdash; деб хотирлайди журналист&nbsp;Элмира&nbsp;Тухватуллина.
&nbsp;
Юрак хуружи уни узоқ яшатмади&hellip;
&nbsp;
2023 йилнинг 27 май куни &ldquo;Ёшлар&rdquo; телеканалининг &ldquo;Янги давр&rdquo; дастури телебошловчиси, журналист Нозима Маҳмудова 31 ёшида оламдан ўтган.
&nbsp;
<img src="/media/uploads/2025/06/25/920__95_1688948113_1.webp" />
&nbsp;
Нозима Маҳмудова вафотидан бир кун аввал, 26 май куни режали юрак операциясини бошдан кечирган, аммо операциядан омон чиқмаган.
&nbsp;
&ldquo;Тенгдошинг ўтиб қолса, бошқача бўларкан одам. Ҳаёт ҳеч кимга қанча исташини сўраб берилмаганини тушунаркан odam... Ёшгина, гўзалгина, бир олам орзулари билан...&rdquo;, деб ёзади журналист Азиза Қурбонова ҳамкасбининг ўлими ҳақидаги хабар постида.
&nbsp;
&ldquo;Билимли, меҳнаткаш, самимий ҳамкасбимизнинг ёрқин хотираси доим ёдимизда бўлади. Уни мана шундай илиқ табассуми билан эслаймиз&rdquo;, деб ёзади &ldquo;Янги давр&rdquo; таҳририяти.
&nbsp;
30 га ҳам кирмай оламдан ўтган&hellip;
&nbsp;
Журналист, Иқтисодиёт ва молия вазирлиги ҳузуридаги Бюджетдан ташқари пенсия жамғармаси матбуот котиби Айжамал Жолдасбаева-Жанибекова 2024 йилнинг 11 январь куни 27 ёшида вафот этди.
&nbsp;
<img src="/media/uploads/2025/06/25/photo_2024-01-11_16-56-03.large_1.webp" />
&nbsp;
Марҳума яқинларига кўра, унда ҳомиладорлик даври оғир кечган. Маълум муддат ўлик ҳомила билан юрган, бола олинганидан кейин унинг аҳволи оғирлашиб, касалхонага етказилган. Комага тушиб қолгач, тез ёрдам шифохоналаридан бирига олиб борилган ва ўша ерда вафот этган.
&nbsp;
Халқаро фестивалдан тирик қайтиб келмаган&hellip;
&nbsp;
2021 йилнинг 20 сентябрь куни &ldquo;Халқ сўзи&rdquo; газетаси мухбири, таниқли журналист, моҳир ижодкор Саиджон Махсумов 35 ёшида автоҳалокат ҳодисаси оқибатида вафот этган.
&nbsp;
<img src="/media/uploads/2025/06/25/photo_2021-09-20_16-11-26_1.webp" />
&nbsp;
Журналист Нукусда бўлиб ўтган II Халқаро бахши фестиваль-танловининг ёритилишида қатнашган, тадбирдан қайтаётганда эса автоҳалокатга учраган. ЙТҲ натижасида у билан бўлган яна 3 нафар йўловчи ҳалок бўлган.
Жавоҳирбек ТУРСУНОВ тайёрлади

Журналистиканинг эрта сўнган юлдузлари

Туркиядаги қонли кечага 9 йил тўлди

Рўзанинг 8 ҳикмати

Сизда заррача бўлса ҳам кибр борми?

Рўза тутишни енгиллаштириш бўйича тавсиялар

Қуръон ўқимасдан хотиржам яшаш мумкинми?!

Илиниш – гўзал фазилат

Махсус рукнлар

Категориялар

Боғланиш учун

Электрон манзил:

Шаҳодатнома

Таҳририят манзили

Ғоя муаллифи