Ўзбекистон Таълим вазирлиги ҳузуридаги “Келажак марказлари” мактаб маслаҳатчилари лавозими учун танлов жараёнларини бошлаб юборди. Танловда ўқувчилар билан самарали ишлаш, уларни мотивация қилиш ва ривожланишига кўмаклашиш кўникмаларига эга номзодлар иштирок этиши мумкин.
Янги маслаҳатчилар 7–9-синф ўқувчиларини касбга йўналтириш, етакчилик кўникмаларини шакллантириш ва халқаро олийгоҳларга тайёрланиш жараёнида уларга ёрдам бериш вазифаларини бажаради. Шунингдек, улар лойиҳалар, тренинглар ва турли тўгаракларни ташкил этишда ҳам фаол иштирок этади.
Танловда қатнашмоқчи бўлганлар tanlov.uzedu.uz платформаси орқали ариза юбориши лозим. Саралаш тест ва суҳбат босқичларидан иборат бўлиб, уларни муваффақиятли якунлаган номзодлар “Келажак марказлари” жамоасига қўшилиш имконига эга бўлади.