Кипр ҳукумати Ўртаер денгизидан Италияга йўл олган 300 нафар муҳожирни қутқарганини маълум қилди, деб ёзади “Associated Press”.
Агентлик маълумотларига кўра, муҳожирлар бўлган 18 метрлик кема Ливандан сузиб кетган, бироқ душанба куни тушдан кейин двигателда муаммолар юзага келганидан сўнг капитан Кипр қутқарув ишларини мувофиқлаштириш марказига авария сигналини берган.
Кема бу вақтда Кипр қирғоғидан 203 км узоқликда эди. Муҳожирларни қутқариш учун воқеа жойига вертолёт, ҳарбий-денгиз кучларининг учта кемаси ва полиция патруль кемаси жўнатилди. Барча муҳожирлар яқин атрофдаги юк кемасига олиб кетилган, улардан ҳеч бири жабрланмаган.