Жиноят ишлари бўйича суд мажлислари маълум қилинадиган рўйхатга кўра, «Kompromat иши» бўйича суд мажлиси 18 июль куни жиноят ишлари бўйича Шайхонтоҳур тумани судида бўлиб ўтади.
Олий суд 19 нафар жабрланувчилар рўйхатини эълон қилди. Улар орасида собиқ бандлик ва меҳнат муносабатлари вазири Нозим Ҳусанов ва ташқи меҳнат миграсияси агентлигининг собиқ раҳбари Афзал Ирматов ва Андижон шаҳар ҳокими Ғофуржон Абдураҳмонов ҳам бор.
Шунингдек, жиноят иш доирасида Human.uz сайти директори Хуршид Далиев, «Ўзбекнефтгаз» АЖ собиқ матбуот котиби Сиёвуш Ҳошимов ва фуқаро Аҳмадулло Аҳмаджонов Жиноят кодексининг 139-моддаси (туҳмат), 165-моддаси (товламачилик), 184-моддаси (солиқлар ёки бошқа мажбурий тўловларни тўлашдан бўйин товлаш), 243-моддаси (жиноий фаолиятдан олинган даромадларни легаллаштириш) билан айбланмоқда.
Бундан ташқари, Бандлик ва меҳнат муносабатлари вазирлиги матбуот котиби (собиқ) Мавжуда Мирзаеванинг айбловида Жиноят кодексининг 113-моддаси (таносил ёки ОИВ касаллиги/ОИТСни тарқатиш) ва 165-моддаси (товламачилик) ҳам акс этган.