Jinoyat ishlari bo‘yicha sud majlislari maʼlum qilinadigan ro‘yxatga ko‘ra, “Kompromat ishi” bo‘yicha sud majlisi 18 iyul kuni jinoyat ishlari bo‘yicha Shayxontohur tumani sudida bo‘lib o‘tadi.
Oliy sud 19 nafar jabrlanuvchilar ro‘yxatini eʼlon qildi. Ular orasida sobiq bandlik va mehnat munosabatlari vaziri Nozim Husanov va tashqi mehnat migrasiyasi agentligining sobiq rahbari Afzal Irmatov va Andijon shahar hokimi G‘ofurjon Abdurahmonov ham bor.
Shuningdek, jinoyat ish doirasida Human.uz sayti direktori Xurshid Daliyev, “O‘zbekneftgaz” AJ sobiq matbuot kotibi Siyovush Hoshimov va fuqaro Ahmadullo Ahmadjonov Jinoyat kodeksining 139-moddasi (tuhmat), 165-moddasi (tovlamachilik), 184-moddasi (soliqlar yoki boshqa majburiy to‘lovlarni to‘lashdan bo‘yin tovlash), 243-moddasi (jinoiy faoliyatdan olingan daromadlarni legallashtirish) bilan ayblanmoqda.
Bundan tashqari, Bandlik va mehnat munosabatlari vazirligi matbuot kotibi (sobiq) Mavjuda Mirzayevaning ayblovida Jinoyat kodeksining 113-moddasi (tanosil yoki OIV kasalligi/OITSni tarqatish) va 165-moddasi (tovlamachilik) ham aks etgan.