25 июндан бери Покистонда кучли ёғингарчилик туфайли юзага келган сув тошқинлари оқибатида камида 86 киши ҳалок бўлди ва 151 киши жароҳатланди. Бу ҳақда душанба куни мамлакатнинг табиий офатларга қарши кураш миллий агентлиги маълум қилди, дея хабар берди Xinhua ахборот агентлиги.
Агентлик маълумотларига кўра, Покистон шарқидаги Панжоб вилояти энг кўп жабр кўрган минтақа бўлиб, кучли ёмғир туфайли юзага келган сув тошқинлари камида 52 кишининг ҳаётига зомин бўлган.
Бундан ташқари, бутун мамлакат бўйлаб сув тошқинлари камида 97 уйни вайрон этган ва 46 чорва молини нобуд қилган.
Ҳозирда давлат, нотижорат ташкилотлари ва мамлакат кўнгиллилари жабрланган ҳудудларда қутқарув ишларини олиб бормоқда.