Жорий йилнинг апрель ойида Латвия–Белорус чегарасида панжара қурилишининг иккинчи босқичи бошланади, бу сафар унинг узунлиги 63,9 километрга етади.
Биринчи босқичда икки давлат чегарасида 54 километрга яқин панжара қурилганди. Бу йилги қишки об-ҳаво шароити ботқоқли ҳудуддаги ишларни давом эттириш учун ноқулай бўлди. Шу сабабли ишлар тўхтатилган.
Қайд этилишича, панжара қурилишига параллель равишда тўсиқни замонавий технологиялар билан жиҳозлаш бўйича тайёргарлик ишлари бошланган.
Умуман олганда, лойиҳа 173 километрлик Латвия–Беларус чегара чизиғини қуришни назарда тутади. Жорий йилнинг куз ойининг бошига қадар иккинчи (63,9 км) ва учинчи босқич (16,7 км) бўйича қурилиш ишлари якунланади.