“Бенфика” ярим ҳимоячиси Энсо Фернандес “Ливерпул”га ўтиши мумкин.
Инглиз клуби 120 миллион фунт тўлашга тайёр. Бу суммадаги товон пули футболчининг португалияликлар билан шартномасида кўрсатилган. Бу ҳақда “ЭСПН” нашри хабар берди. Ҳозирда “Ливерпул” ва Фернандес шахсий шартнома шартларини келишиб олишга яқин турибди.
Аввалроқ, 21 ёшли футболчи учун курашда “Реал” “қизиллар” билан рақобатлашиши мумкинлиги ҳақида хабар берилганди. Португалия чемпионатининг жорий мавсумининг 13 та учрашувда Фернандес битта гол урди ва 3 та голли узатмани амалга оширди.
Трансфермаркт портали футболчининг нархини 35 миллион еврога баҳоламоқда.