“Benfika” yarim himoyachisi Enso Fernandes “Liverpul”ga o‘tishi mumkin.
Ingliz klubi 120 million funt to‘lashga tayyor. Bu summadagi tovon puli futbolchining portugaliyaliklar bilan shartnomasida ko‘rsatilgan. Bu haqda “ESPN” nashri xabar berdi. Hozirda “Liverpul” va Fernandes shaxsiy shartnoma shartlarini kelishib olishga yaqin turibdi.
Avvalroq, 21 yoshli futbolchi uchun kurashda “Real” “qizillar” bilan raqobatlashishi mumkinligi haqida xabar berilgandi. Portugaliya chempionatining joriy mavsumining 13 ta uchrashuvda Fernandes bitta gol urdi va 3 ta golli uzatmani amalga oshirdi.
Transfermarkt portali futbolchining narxini 35 million yevroga baholamoqda.