"Ливерпул" - "Тоттенҳем" учрашуви ажойиб мавсум ўтказди. Аммо барибир иккиласи ҳам мавсумни омадли якунига етказолмади.
Улардан бири амалда чемпионлик пойгасидан чиқиб кетди, бошқаси эса Чемпионлар лигаси учун имкониятларини деярли йўқотди. "Ливерпул"нинг сўнгги ўйини 79-дақиқада захирадан майдонга тушиши кутилган Салоҳ ва Клопп ўртасидаги можаро билан эсда қолганди. Бу сафар эса мисрлик ҳужумчи асосий таркибда майдонга тушди. Саккизинчи дақиқадаёқ Салоҳнинг зарбасидан сўнг тўп тўcинга тегиб қайтди. Орадан саккиз дақиқа ўтиб у гол урди. Бундан ташқари танаффусга қадар мезбонлар яна гол уришга муваффақ бўлишди. Қизиғи шундаки, ҳужумни ўнг қанот ҳимоячиси Трент бошлади ва чап қанот ҳимоячиси Робертсон якунлади.
Иккинчи бўлим ҳам худди биринчи бўлим каби давом этди. "Ливерпул" рақибни янада кучли босим остида ушлаб туришга ҳаракат қилди. Шундай ҳолатларнинг бирида Эллиотнинг узатмасидан Гакпо боши билан рақиб дарвозасига гол урди. Бироз вақтдан сўнг, худди шу Эллиотт Премьер-лиганинг жорий мавсумидаги энг чиройли голлардан бирини урди. У энг юқори бурчакка узоқ масофадан ажойиб зарба берди. Ҳизоб 4:0 га етди. "Ливерпул" мураббийлар штабида эса хурсандчилик бошланиб кетди. Улар биринчи даврада ҳакамлар қўпол хатога йўл қўйган ноҳақ натижа учун яхшигина ўч олишди
Шундан сўнг ўйин бутунлай тартибсиз кечди ва меҳмонларда имкониятлар бўла бошлади. Ричарлисон имкониятдан унумли фойдаланиб, тезда ҳисобни қисқартирди. Шундан сўнг Соннинг голига узатмани амалга оширди. Иккинчи бўлимдаги ўйин шу қадар тезликда тус олдики, имкониятлар деярли ҳар дақиқада пайдо бўлди. Трент ҳатто майдон марказидан гол уришга ҳам ҳаракат қилди, лекин бироз унинг зарбасига аниқлик етишмади. Дарвозадан уч метр узоқликда тўп билан ёлғиз қолган Салоҳ эса деярли юз фоизлик имкониятни қўлдан бой берди. Шунча ҳужумларга қарамай ҳисоб 4:2 кўринишига ўзгаришсиз қолди.
"Тоттенҳем" кетма-кет тўртинчи турда мағлуб бўлди ва "Астон Вилла"дан ортда қолишда давом этмоқда.