Полиция Палисадесдаги ёнғинга алоқадор 14 кишини, жумладан, ўт қўйишда гумон қилинган уч кишини ҳибсга олди. Бошқалар комендантлик соатларини бузган, ўзларини ўт ўчирувчи ёки полициячи сифатида кўрсатган ва ўғирлик содир этган. Айнан талончилар туфайли полиция ёнғин содир бўлган ҳудудларда соат 18:00 дан эрталаб соат 6 гача комендантлик соати жорий қилган.
Шу билан бирга, Лос-Анжелес ҳукумати ёнғинларга қарши курашда ижобий натижага эришганини эълон қилди. Тинч океанидаги Палисадес ёнғини 14 фоизга ўчирилган, Пасадена яқинидаги ёнғин эса 33 фоиз назорат остида.