Франция президенти Эммануэл Макрон Европа зарур чоралар кўрмаса, яқин беш йил ичида жиддий инқирозга юз тутиши ва ҳатто йўқолиб кетиш хавфи остида қолиши мумкинлигини билдирди. У бу ҳақда 10 февраль куни Tagesanzeiger газетасига берган интервьюсида маълум қилди.
Макроннинг таъкидлашича, Европа ҳозир икки томонлама босим остида қолган. Бир томондан, Хитой билан савдо муносабатларида босим кучаймоқда, иккинчи томондан эса АҚШ сиёсатидаги ноаниқлик ва беқарорлик вазиятни янада мураккаблаштирмоқда.
"Европа ушбу жараёнларда ёки томошабин бўлиб қолади, ёки фаол иштирок этиши лозим", — деди Франция президенти.
Шунингдек, Макрон Гренландия билан боғлиқ вазиятни Европа учун муҳим геосиёсий бурилиш нуқтаси деб атади. Унинг фикрича, бу ҳолат қитъага нисбатан мавжуд таҳдидларни очиқ-ойдин намоён қилмоқда.
Президент, шунингдек, Европа жамиятида умидсизлик кайфияти кучайиб бораётганини ҳам қайд этди.