Франция президенти Эммануэл Макроннинг рафиқаси Брижит Макрон Буюк Британияга етиб келганида турмуш ўртоғининг ёрдам қўлини рад этиб, уни яна омма олдида ноқулай ҳолатга туширди. Бу ҳолат Франсе 24 телеканали томонидан намойиш этилган видеода яққол кўринади.
Видеода кўринишича, президент Макрон самолётдан биринчи бўлиб тушган ва орқасидан оппоқ либосда чиққан Брижит Макронни кутиб, унга қўл чўзган. Бироқ Брижит бу таклифни рад этиб, тутқичга суяниб зинапоядан мустақил равишда пастга тушган.
Макрон рад этилганидан сўнг қўлини тушириб, уларни кутиб олган шаҳзода Уилям ва малика Кейт Мидлтон томон юзланган. Ҳодиса Британиянинг Нортолт ҳарбий базасида юз берган.
Аввал ҳам Макрон жуфтлигининг жамоат жойларидаги ҳаракатлари ОАВ эътиборини тортган эди. Жумладан, май ойида Ветнамга ташрифи чоғида президентнинг эҳтиётсиз ҳаракати оқибатида рафиқаси юзига тасодифан урилган ҳолат ҳам журналистлар томонидан қайд этилган эди.