"Манчестер Юнайтед" ўз таркибини кучайтириш бўйича вариантларни ўрганмоқда. Хабарларга кўра, "қизил иблислар" "Реал Мадрид"нинг ҳужумкор ярим ҳимоячиси Браҳим Диасга қизиқиш билдирмоқда. Англия клубида Диас ҳужум чизиғига креативлик олиб келишига ишонишмоқда.
Манбага кўра, Манчестер жамоаси 25 ёшли футболчи учун таклиф тайёрламоқда. Аниқ рақамлар ошкор қилинмаган, аммо таклиф «сезиларли» бўлиши таъкидланмоқда.
Нуфузли "Трансфермаркт" портали Браҳим Диаснинг нархини 35 миллион евро атрофида баҳоламоқда. Футболчининг "қироллик клуби" билан тузган шартномаси 2027 йилнинг ўрталаригача мўлжалланган.