“Манчестер Юнайтед” раҳбарияти клуб тарбияланувчиси Маркус Решфордни қўйиб юборишга тайёрлигини ҳақида маълум қилинганди.
Бунга сабаб, ҳужумчи кейинги пайтда ўз даражасида ўйнай олмаётганидир. Бунинг устига Решфорд клубда энг катта маош олаётган ўйинчилардан ҳисобланади. Маркуснинг ҳолати жамоа бош мураббийи Эрик тен Хагни умуман қониқтирмаяпти.
Хабар берилишича, манчестерликлар 26 ёшли футболчини 80 миллион евро эвазига қўйиб юборишга розилик берган. Решфорд ўтган мавсумда барча турнирларда 43 маротаба майдонга тушиб, саккизта гол урган ва бешта голли узатмани амалга оширган.