“Manchester Yunayted” rahbariyati klub tarbiyalanuvchisi Markus Reshfordni qo‘yib yuborishga tayyorligini haqida ma’lum qilingandi.
Bunga sabab, hujumchi keyingi paytda o‘z darajasida o‘ynay olmayotganidir. Buning ustiga Reshford klubda eng katta maosh olayotgan o‘yinchilardan hisoblanadi. Markusning holati jamoa bosh murabbiyi Erik ten Xagni umuman qoniqtirmayapti.
Xabar berilishicha, manchesterliklar 26 yoshli futbolchini 80 million yevro evaziga qo‘yib yuborishga rozilik bergan. Reshford o‘tgan mavsumda barcha turnirlarda 43 marotaba maydonga tushib, sakkizta gol urgan va beshta golli uzatmani amalga oshirgan.